مشہور امریکی گلوکار کی آمد کے بعد جرمنی نے شہر کا نام تبدیل کر دیا

نیوز ٹوڈے :    عالمی شہرت یافتہ گلوکارہ ٹیلر سوئفٹ کی جرمنی آمد کے بعد شہر کا نام عارضی طور پر گلوکارہ کے نام پر رکھ دیا گیا۔

غیر ملکی میڈیا رپورٹس کے مطابق جرمن شہر گیلسن کرچن کا نام عارضی طور پر معروف امریکی گلوکارہ ٹیلر سوئفٹ کے نام پر تبدیل کرنے کا فیصلہ کیا گیا ہے۔ٹیلر سوئفٹ جرمن شہر گیلسن کرچن میں 17 سے 19 جولائی تک 3 کنسرٹ کرنے والی ہیں اور ان کے ہزاروں مداحوں کی، جنہیں 'سافٹیز' کہا جاتا ہے، ان تقریبات میں شرکت کی توقع ہے۔

رپورٹ کے مطابق ٹیلر سوئفٹ کے ایک مداح نے مہم چلائی اور شہر کا نام عارضی طور پر تبدیل کرنے کے لیے میئر کو خط لکھا۔تاہم شہر کی میئر کیرن ویلج نے پاپ اسٹار کے دورے سے قبل اس تجویز کی منظوری دے دی، جس کے بعد ٹیلر سوئفٹ کے اعزاز میں عارضی طور پر شہر کا نام 'سوفٹ چرچ' رکھنے کا فیصلہ کیا گیا۔

میئر نے کہا، "میں واقعی پرجوش ہوں کہ ٹیلر سوئفٹ، جو اس وقت دنیا کی سب سے مشہور گلوکارہ ہیں، ہمارے شہر میں 3 بار پرفارم کریں گی۔" اس کی وجہ سے غیر ملکیوں کی توجہ ہمارے شہر کی طرف لوٹے گی اور یہ فائدہ مند ہوگا۔

رپورٹ کے مطابق شہر میں ٹیلر سوئفٹ کی آمد کی تیاریاں جاری ہیں اور ان کے مداح بہت خوش اور پرجوش ہیں۔