پاکستانی عوام نے دہشت گردوں کے ہاتھوں بہت نقصان اٹھایا: امریکہ
- 09, جولائی , 2024
نیوز ٹوڈے : امریکہ کا کہنا ہے کہ پاکستانی عوام نے دہشت گردوں کے ہاتھوں بہت نقصان اٹھایا ہے اور علاقائی سلامتی کو لاحق خطرات سے نمٹنے میں ہمارا مشترکہ مفاد ہے-امریکی محکمہ خارجہ کے ترجمان میتھیو ملر نے پریس بریفنگ میں کہا کہ کئی پاکستانی سویلین اداروں کے ساتھ شراکت داری ہے۔
بریفنگ میں 9 مئی کے حملوں سے متعلق پوچھے گئے سوال کے جواب میں امریکی محکمہ خارجہ کے ترجمان میتھیو ملر نے کہا کہ وہ جائز طریقے سے اظہار رائے کی آزادی کی حمایت کرتے ہیں تاہم پرتشدد کارروائیوں کی مخالفت کرتے ہیں۔
امریکی محکمہ خارجہ کے ترجمان نے کہا کہ احتجاج پرامن طریقے سے کیا جانا چاہیے اور حکومتوں کو ان کے ساتھ قانون کے مطابق اور آزادی اظہار کے احترام کے ساتھ نمٹنا چاہیے۔ انہوں نے کہا کہ حکومت پاکستان کے ساتھ ہم اپنی صلاحیت میں اضافے اور علاقائی سلامتی کو مستحکم کرنے کے مواقع کی باقاعدگی سے نشاندہی کرتے ہیں۔
تبصرے