کھانے کے عالمی مقابلے میں پاکستانی طالبات نے سونے اور کانسی کے تمغے جیتے
- 10, جولائی , 2024
نیوز ٹوڈے : سندھ کے طلباء نے بین الاقوامی فوڈ مقابلوں میں سونے اور کانسی کے تمغے جیتے۔ملائیشیا میں کھانے کے عالمی مقابلے بیٹل آف شیفس 2024 کا انعقاد کیا گیا جس میں پاکستان سمیت کئی ممالک کے شیفس نے شرکت کی۔
پاکستان انسٹی ٹیوٹ آف ٹورازم اینڈ ہوٹل مینجمنٹ کے طلباء نے بین الاقوامی مقابلے میں سونے اور کانسی کے تمغے جیتے۔عائشہ علی اور سحر ایوب نے گولڈ جبکہ ارم شیخ اور فاطمہ نے کانسی کے تمغے جیتے۔
سندھ کے وزیر سیاحت و ثقافت سید ذوالفقار علی شاہ نے کھانے کے عالمی مقابلے میں جیتنے والے طلباء سے ملاقات کی اور صوبائی وزیر نے کامیاب طلباء کو 50 ہزار روپے دینے کا اعلان بھی کیا۔سید ذوالفقار علی شاہ نے کہا کہ پوری قوم کو اپنی بیٹیوں کی بین الاقوامی مقابلوں میں کامیابی پر فخر ہے۔
تبصرے