عمران خان کو عدالت میں پیش کرنے کے بجائے جیل میں وکلا سے ملاقات کا فیصلہ کیا گیا
- 24, اکتوبر , 2024
نیوز ٹوڈے : پی ٹی آئی کے بانی عمران خان کو عدالت میں پیش کرنے کے بجائے جیل میں وکلا سے ملاقات کا فیصلہ کیا گیا ہے۔ پی ٹی آئی کی قانونی ٹیم کے 3 وکلا آج 3 بجے عمران خان سے ملاقات کریں گے۔ذرائع کا کہنا ہے کہ پی ٹی آئی بانی کو عدالت لانے کا حکم وکلا سے ملاقات کے لیے تھا، اس لیے اس کا حل یہ نکالا گیا کہ وکلا پی ٹی آئی بانی سے جیل میں ہی ملاقات کریں۔ ملاقات کے حوالے سے فریقین کو آگاہ کر دیا گیا ہے۔
عمران خان کے وکیل فیصل چوہدری ایڈووکیٹ نے پی ٹی آئی بانی سے 3 بجے جیل ملاقات کی تصدیق کی ہے۔ایڈووکیٹ فیصل چوہدری کا کہنا ہے کہ سلمان اکرم راجہ، شعیب شاہین اور مجھے 3 بجے جیل ملاقات کے لیے بلایا گیا ہے۔
یاد رہے کہ اسلام آباد ہائی کورٹ نے عمران خان کی ملاقات سے متعلق توہین عدالت کیس میں بانی چیئرمین پی ٹی آئی کو 3 بجے عدالت میں پیش ہونے کا حکم دیا تھا۔عدالت نے اڈیالہ جیل کے سپرنٹنڈنٹ کو حکم دیا تھا کہ اگر عمران خان کو عدالت میں پیش نہ کیا گیا تو انہیں بتانا ہو گا کہ انہیں پیش کیوں نہیں کیا گیا۔
تبصرے