اسلام آباد ہائی کورٹ نے عمران خان کے چیک اپ کے لیے میڈیکل بورڈ بنانے کا حکم دے دیا
- 24, اکتوبر , 2024
.webp)
نیوز ٹوڈے : اسلام آباد ہائی کورٹ نے پی ٹی آئی کے بانی عمران خان کے چیک اپ کے لیے میڈیکل بورڈ بنانے کا حکم دے دیا۔
اسلام آباد ہائی کورٹ کے جسٹس میاں گل حسن اورنگزیب نے عمران خان کے میڈیکل چیک سے متعلق درخواست پر سماعت کی۔اسلام آباد ہائی کورٹ نے بانی پی ٹی آئی عمران خان کی درخواست پر سماعت کرتے ہوئے کہا کہ پی ٹی آئی کے بانی کی عمر 72 سال ہے، سابق وزیراعظم اور انڈر ٹرائل قیدی ہیں۔
عدالت کا کہنا ہے کہ اڈیالہ جیل میں حفاظتی اقدامات بی کلاس کے قیدی کے چیک اپ میں رکاوٹ نہیں بن سکتے۔اسلام آباد ہائی کورٹ نے اپنے فیصلے میں کہا کہ ایگزیکٹو ڈائریکٹر پمز بانی پی ٹی آئی کے طبی معائنے کے لیے بورڈ تشکیل دیں۔
عدالت کا کہنا ہے کہ عدالتی حکم کی کاپی عملدرآمد کے لیے سپرنٹنڈنٹ اڈیالہ جیل کو بھی بھجوائی جائے۔یاد رہے کہ پی ٹی آئی کے بانی عمران خان نے اپنے ذاتی معالج سے طبی معائنہ کرانے کی درخواست دائر کی تھی۔
تبصرے