صیہونی فوج کا لبنان پر بڑا حملہ 60 سے زائد افراد شہید

نیوز ٹوڈے :   صیہونی فوج کے لبنان میں 145 مقامات پر فضائی حملے میں 60 سے زائد افراد شہید ہو گۓ - صیہونی فوج کا لبنان پر یہ سب سے بڑا حملہ ہے ، جس میں 24 گھنٹوں کے دوران 145 مقامات پر بمباری کرکے 60 سے زئد افراد کو شہید کر دیا گیا- "بین الاقوامی میڈیا" کی دی گئی رپورٹ کے مطابق اتوار کے دن صیہونی فوج نے لبنان کے دارالحکومتی شہر (بیروت) سمیت کئی دوسرے شہروں میں لوگوں کے گھروں ، گرجا گھروں اور صحت کے مراکز پر اندھا دھند بمباری کی - رپورٹ کے مطابقصیہونی فوج کی بمباری سے24 گھنٹوں کے دوران 60 لبنانی شہید ہو گۓ ، جن میں ایک شامی شہری اور حزب اللہ کے میڈیا کے ترجمان (محمد عفیف) بھی شامل ہیں -

صیہونی فوج کی بمباری کے جواب میں حزب اللہ نے شمالی اسرائیل کی رہائشی عمارتوں پر راکٹوں کی برسات کر دی - دوسری طرف غزہ پر بھی صیہونی فوج نے اپنے حملے تیز کردیے ہیں ـ بریج ، بیت لاہیہ اور نصیرات پناہ گزین کیمپوں پر بھی صیہونی فوج نے وحشیانہ بمباری کی جس سے 100 سے بھی زیادہ فلسطینی پناہ گزین شہید ہو گۓ - فلسطین کی مزاحمتی جماعت "حماس" نے صیہونی فوج کے حملوں کے جواب میں شمالی غزہ میں صیہونی فوج پر حملہ کرکے اس کے 2 فوجی ہلاک اور ایک زخمی کر دیا - حماس کے لڑاکوں نے صیہونی فوج کے کئی ٹینک بھی تباہ کر دیے -