پیوٹن نے جوہری ہتھیاروں کی کوشش پر یوکرین کو دھمکی دی
- 29, نومبر , 2024
نیوز ٹوڈے : روسی صدر پیوٹن نے یوکرین کو جوہری ہتھیاروں کی کوشش پر دھمکی دی ہے۔غیر ملکی میڈیا کے مطابق روسی صدر نے کہا کہ جس ملک سے ہماری جنگ ہے اگر وہ ایٹمی طاقت بن گیا تو ہم اپنے تمام فوجی وسائل استعمال کریں گے۔ انہوں نے زور دے کر کہا کہ روس کے پاس تباہی کے تمام ذرائع موجود ہیں اور ہم ان کے ہر اقدام پر نظر رکھیں گے۔
پیوٹن نے کہا کہ اگر کوئی سرکاری طور پر کسی چیز کو منتقل کرتا ہے تو اس کا مطلب ان تمام عدم پھیلاؤ کے وعدوں کی خلاف ورزی ہو گی جو انہوں نے کیے ہیں۔
روسی صدر نے مزید کہا کہ یوکرین کے لیے جوہری ہتھیار بنانا عملی طور پر ناممکن ہے لیکن یہ ممکن ہے کہ وہ کسی قسم کا 'ڈرٹی بم' بنا سکتا ہے جو کہ تابکار مواد سے لیس روایتی بم ہے۔ اگر ایسا ہوا تو روس مناسب جواب دے گا۔
واضح رہے کہ نیویارک ٹائمز نے گزشتہ ہفتے خبر دی تھی کہ کچھ نامعلوم مغربی حکام نے تجویز دی تھی کہ امریکی صدر جو بائیڈن عہدہ چھوڑنے سے قبل یوکرین کو جوہری ہتھیار دے سکتے ہیں۔
تبصرے