بڑی خبر، غیر ملکی تاجروں نے پاکستان میں سرمایہ کاری کی یقین دہانی کرادی

نیوز ٹوڈے :    خصوصی سرمایہ کاری سہولت کونسل کے تعاون سے غیر ملکی سرمایہ کاروں کا اعتماد بحال کرنے میں مدد ملی ہے۔رپورٹ کے مطابق ایس آئی ایف سی کی سہولت اور موثر حکومتی پالیسیوں کے باعث غیر ملکی سرمایہ کاروں کا اعتماد بحال ہو رہا ہے۔ امریکہ میں پاکستانی سفیر کی نیویارک میں سرمایہ کاروں اور کاروباری رہنماؤں کے ساتھ ایک نتیجہ خیز ملاقات ہوئی۔ نیویارک چیمبر آف کامرس نے سرمایہ کاری کے لیے پاکستان کے ٹیکسٹائل، لیدر، سرجیکل اور آئی ٹی کے شعبوں میں گہری دلچسپی کا اظہار کیا ہے۔

آئی ٹی اور زراعت کے ساتھ ساتھ، کان کنی اور سیاحت کے شعبوں میں پاکستان کی وسیع سرمایہ کاری کی بے پناہ صلاحیت کو یقینی بنایا گیا ہے۔ امریکہ اور پاکستان کے درمیان تجارتی اور سرمایہ کاری کے تعلقات کو مزید فروغ دینے کے عزم کا اظہار کیا گیا۔

رپورٹ کے مطابق پاکستان کی سرمایہ کاری دوست پالیسیاں اور جغرافیائی اہمیت غیر ملکی سرمایہ کاروں کے لیے بہت موزوں ہے۔ غیر ملکی سرمایہ کاروں کے لیے مراعات اور مواقع، پاکستان عالمی سرمایہ کاروں کے لیے ایک پرکشش مرکز ہے۔ مبصرین کے مطابق ایس آئی ایف سی کے تعاون سے پاکستان میں سرمایہ کاری کے ذریعے معیشت کو مستحکم کرنے کی کوششیں خوش آئند ہیں۔