اقوام متحدہ کی جنرل اسمبلی نے فلسطین کی الگ ریاست کے قیام کا مطالبہ کر دیا

نیوز ٹوڈے :   اقوام متحدہ کی جنرل اسمبلی نے کیا مطالبہ فلسطین کی الگ ریاست کے قیام کا - اقوام متحدہ کی جنرل اسمبلی نے فلسطین کے مقبوضہ علاقوں سے اسرائیل کو نکل جانے کا حکم جاری کرتے ہوۓ فلسطین کی الگ ریاست کے قیام کا مطالبہ کیا ہے - جنرل اسمبلی میں فلسطین کی الگ ریاست کے قیام کیلیے ڈالے گۓ ووٹوں میں سے 8 ووٹ اس کے خلاف اور 157 فلسطین کی الگ ریاست کے قیام کے حق میں نکلنے کے بعد قرار داد منظور کر لی گئی - صرف امریکہ اور اسرائیل نے اس قرارداد کے مخالف ووٹ دیا جبکہ 7 ملکوں نے اس ووٹنگ میں حصہ ہی نہیں لیا -

جنرل اسمبلی نے فلسطینیوں کے حق خود ارادیت اور آزاد ریاست کے قیام کے حق کو تسلیم کرتے ہوۓ مشرقی یرو شلم اور مغربی پٹی سے اسرائیل کے نکل جانے کا مطالبہ بھی کیا - جنرل اسمبلی کے اجلاس میں بین الاقوامی قوانین کے مطابق فلسطین کے مسئلے کے دو ریاستی حل کی حمایت کرتے ہوۓ کہا گیا کہ 1967 کی سرحدی تقسیم کے مطابق دو ریاستی حل سے مراد ہے کہ اسرائیل اور فلسطین دونوں ایک دوسرے کے ساتھ امن کے ساتھ رہیں - جنرل اسمبلی کے اجلاس میں فرانس اور سعودی عرب کی مشترکہ صدارت میں 2025 میں نیویارک میں سفارتی کوششوں کے ذریعے فلسطین کے مسئلے کے دو ریاستی حل پر عمل پیرا ہونے کیلیے ایک اعلیٰ سطح کا بین الاقوامی اجلاس بلانے کا اعلان بھی کیا گیا -