سعودی عرب کا بزرگوں کے لیے بڑا فیصلہ

نیوز ٹوڈے :   سعودی عرب نے مملکت میں معمر افراد کے لیے بڑا قدم اٹھاتے ہوئے انہیں  استحقاق  کارڈ جاری کرنے کا فیصلہ کیا ہے۔ وزارت افرادی قوت نے مملکت میں معمر افراد کے لیے ایک فلاحی منصوبہ پیش کیا ہے جس میں ان کی دیکھ بھال اور سہولیات فراہم کرنے کے لیے استحقاق کارڈ جاری کیے جائیں گے۔

گزشتہ روز بزرگ معاشرے کے لیے منعقدہ ایک تقریب سے خطاب کرتے ہوئے وزارت افرادی قوت کے ڈائریکٹر جنرل ابتسام الحمیزی نے اعلان کیا کہ 60 سال سے زائد عمر کے افراد کو ان کی سہولت کے لیے استحقاق کارڈ جاری کیے جائیں گے۔ یہ کارڈ اگلے دو ماہ تک توکلنا ایپ پر جاری کیے جائیں گے۔

ابتسام الحمیزی نے کہا کہ مملکت میں معمر افراد کی فلاح و بہبود کے لیے 23 نکاتی ضوابط وضع کیے گئے ہیں۔ جس میں ان کے حقوق اور فرائض کو بیان کیا گیا ہے جس کے تحت وہ سعودی شہری جن کی عمر 60 سال یا اس سے زیادہ ہے۔ انہیں معاشرے میں بہتر سہولیات فراہم کی جاتی ہیں۔

انہوں نے کہا کہ یہ کارڈ نامزد پارکنگ سمیت دیگر سہولیات کے لیے کارآمد ثابت ہو گا اور مقررہ ضوابط کے مطابق استحقاق کارڈ رکھنے والے بزرگ شخص کو نامزد سرکاری یا پرائیویٹ میں سہولیات فراہم نہ کرنے پر ایک لاکھ ریال تک جرمانہ عائد کیا جا سکتا ہے۔