اسرائیل نے اسماعیل ہنیہ کو قتل کرنے کا اعتراف کر لیا
- 24, دسمبر , 2024
نیوز ٹوڈے : اسرائیل نے پہلی بار عوامی سطح پر حماس کے رہنما اسماعیل ہنیہ کو قتل کرنے کا اعتراف کیا ہے۔اسرائیلی وزیر دفاع اسرائیل کاٹز نے ایک بیان میں کہا کہ ہم حوثی رہنماؤں کے ساتھ وہی کریں گے جو ہم نے اسماعیل ہنیہ، یحییٰ سنوار اور حسن نصر اللہ کے ساتھ کیا۔
اسرائیلی وزیر دفاع نے کہا کہ وہ حوثیوں کو واضح پیغام دینا چاہتے ہیں کہ ہم نے حماس اور حزب اللہ کو شکست دی ہے، ایران کے دفاعی اور پیداواری نظام کو نقصان پہنچایا ہے اور شام میں بشار الاسد کی حکومت کا تختہ الٹ دیا ہے۔
کٹز نے مزید کہا کہ اب ہم حوثیوں کے اسٹریٹجک انفراسٹرکچر کو نقصان پہنچائیں گے۔
واضح رہے کہ فلسطینی مزاحمتی تنظیم حماس کے سربراہ اسماعیل ہنیہ کو رواں برس جولائی میں اس وقت قتل کر دیا گیا تھا جب وہ ایران میں صدر مسعود پیشمرگہ کی تقریب حلف برداری میں شرکت کے لیے تہران گئے تھے تاہم اسرائیل نے اس حملے کا باضابطہ طور پر اعتراف نہیں کیا تھا۔
تبصرے