اسرائیلی صدر کا یرغمالیوں کی رہائی کے لیے ملکی قیادت سے معاہدے کا مطالبہ
- 26, دسمبر , 2024
نیوز ٹوڈے : اسرائیلی صدر نے غزہ میں یرغمالیوں کی رہائی کے لیے ملکی قیادت سے معاہدے کا مطالبہ کیا ہے۔غیر ملکی خبر رساں ادارے کے مطابق اسرائیلی صدر اسحاق ہرزوگ نے مطالبہ کیا ہے کہ اسرائیلی سیاسی قیادت غزہ میں اسرائیلی یرغمالیوں کی رہائی کے معاہدے کو یقینی بنائے۔ اسرائیلی صدر نے اپنے بیان میں کہا کہ وہ مطالبہ کرتے ہیں کہ اسرائیلی قیادت تمام طاقت اور دستیاب وسائل کے ساتھ اس معاہدے کو ممکن بنانے کے لیے اقدامات کرے۔
اسرائیلی صدر نے کہا کہ غزہ میں یرغمالی خطرے میں ہیں اور یہ سیاسی قیادت کی ذمہ داری ہے کہ وہ ان کی رہائی کے لیے کسی معاہدے تک پہنچیں۔
قبل ازیں فلسطینی مزاحمتی تنظیم حماس کا کہنا تھا کہ اسرائیل کی جانب سے عائد کردہ نئی شرائط غزہ جنگ بندی معاہدے میں تاخیر کا سبب بن رہی ہیں۔عرب میڈیا کے مطابق حماس کی جانب سے جاری بیان میں کہا گیا ہے کہ قطر اور مصر کی ثالثی میں ہونے والے جنگ بندی مذاکرات میں حماس نے لچک دکھائی ہے۔
تبصرے