ملک کے مختلف شہروں میں سردی کی لہر برقرار
- 30, دسمبر , 2024
نیوز ٹوڈے : اسکردو میں گزشتہ روز سے برفباری کا سلسلہ جاری ہے جس کے باعث پارہ منفی 13 ڈگری سینٹی گریڈ تک گر گیا جس کے باعث یہ ملک کا سرد ترین علاقہ بن گیا۔برف باری کے باعث استور کے بالائی علاقوں کو جانے والا زمینی راستہ بھی منقطع ہو گیا ہے۔
دوسری جانب آزاد کشمیر کی وادی نیلم میں برفباری کے بعد سیاحوں کی آمد کا سلسلہ جاری ہے جب کہ بلوچستان کے شمالی اضلاع میں بھی شدید سردی کی لپیٹ میں ہے۔
محکمہ موسمیات کے مطابق کوئٹہ اور زیارت میں درجہ حرارت منفی 6 ڈگری تک ریکارڈ کیا گیا ہے جب کہ دوسری جانب پنجاب میں دھند کا راج ہے۔
تبصرے