مودی ہٹلر قرار

نیوز ٹوڈے :     گزشتہ ماہ ریلیز ہونے والی فلم 'سابرمتی رپورٹ' نے سینما گھروں میں دھوم مچائی ہے، لیکن یہ فلم اپنی لاگت کا صرف 72 فیصد کما پائی ہے۔

بھارتی میڈیا کے مطابق بھارت میں 2002 کے گجرات فسادات کے پس منظر پر بننے والی فلم ’سابرمتی رپورٹ‘ اپنے بجٹ کا صرف 72 فیصد کمانے میں کامیاب ہو سکی ہے۔ فلم کو بھارتی ریاست مدھیہ پردیش میں بھی ٹیکس سے مستثنیٰ قرار دیا گیا تھا۔ ابتدائی دنوں میں فلم کو لے کر اچھی خبریں آرہی تھیں لیکن اب اسے فلاپ کہا جارہا ہے۔ فلم 'سابرمتی رپورٹ' کا مرکزی کردار وکرانت میسی نے ادا کیا ہے جب کہ ان کے مد مقابل راشی کھنہ اور ردھی ڈوگرا اہم کردار ادا کر رہے ہیں۔

یہ فلم 2002 میں بھارتی ریاست گجرات میں گودھرا ٹرین دھماکوں پر مبنی ہے۔ وکرانت میسی اس سے قبل فلم 12 ویں فیل میں مرکزی کردار ادا کر چکے ہیں جس نے باکس آفس پر اچھا بزنس کیا تھا۔ اس ماہ کے شروع میں بھارتی وزیراعظم نریندر مودی نے اپنی کابینہ کے ارکان کے ساتھ دہلی کے ایک سینما میں فلم سابرمتی رپورٹ دیکھی۔ یاد رہے کہ موجودہ بھارتی وزیر اعظم نریندر مودی 2002 میں گجرات کے وزیر اعلیٰ تھے، اس دوران انہیں معزز گجرات فسادات پر بین الاقوامی سطح پر تنقید کا نشانہ بنایا گیا تھا۔

اس فلم کو موجودہ بھارتی حکومت کے سیاسی نظریات کو فروغ دینے اور گجرات فسادات میں اس کی ناقص کارکردگی پر پردہ ڈالنے کی ایک مذموم کوشش قرار دیا جا رہا ہے۔ برطانوی نشریاتی ادارے ڈپلومیٹ نے بھارتی وزیر اعظم مودی کے اپنے سینئر وزرا کے ساتھ فلم دیکھنے کے مناظر کا موازنہ نازی جرمن رہنما ہٹلر کے مناظر سے کیا ہے، بالکل اسی طرح جیسے ہٹلر کوئی پروپیگنڈا فلم دیکھ رہا تھا۔