دو ہزار پچیس میں ٹیک آف کرنے والی پرواز 2024 میں لینڈ کرے گی، لیکن کیسے؟
- 01, جنوری , 2025
نیوز ٹوڈے : وقت ہمیشہ اڑتا ہے، لیکن نئے سال کی شام ہانگ کانگ سے لاس اینجلس جانے والی پرواز مسافروں کو پچھلے سال واپس لے جائے گی۔
ہانگ کانگ سے لاس اینجلس جانے والی کیتھے پیسیفک فلائٹ CX 880 کے خوش قسمت مسافر نئے سال کا دو بار جشن منائیں گے۔یہ منفرد سفر 2025 میں روانہ ہونے والی پرواز اور 2024 میں واپسی کے ساتھ مکمل ہو گا۔
رپورٹس کے مطابق ہانگ کانگ سے یہ پرواز یکم جنوری 2025 کی صبح 12 بجکر 38 منٹ پر ٹیک آف کرے گی اور پھر 31 دسمبر کی رات 8 بجکر 55 منٹ پر لاس اینجلس میں حیرت انگیز طور پر لینڈ کرے گی۔
درحقیقت، ہانگ کانگ وقت میں لاس اینجلس سے 16 گھنٹے آگے ہے۔
چنانچہ جب اس انوکھی پرواز کے مسافر فلائٹ میں سوار ہوئے تو ہانگ کانگ میں نئے سال کا آغاز ہوچکا تھا اور جب وہ لاس اینجلس میں اترے تو نئے سال کے آغاز میں چند گھنٹے باقی رہ گئے تھے۔
اس طرح اس دلچسپ پرواز کے مسافر نئے سال سے پچھلے سال واپس پہنچیں گے اور ایک بار پھر نئے سال کا جشن منائیں گے۔
تبصرے