پاکستان اور سعودی عرب کے درمیان حج 2025 کے معاہدے پر دستخط، عازمین کو کیا سہولیات ملیں گی؟
- 13, جنوری , 2025
.webp)
نیوز ٹوڈے : پاکستان اور سعودی عرب کے درمیان حج 2025 کے معاہدے پر دستخط ہو گئے۔سعودی وزارت حج کے مطابق وفاقی وزیر چوہدری سالک اور سعودی وزیر حج ڈاکٹر توفیق الربیعہ نے ایک معاہدے پر دستخط کیے جس کے تحت رواں سال 179,210 پاکستانی فریضہ حج ادا کریں گے۔
سعودی وزارت حج کے مطابق پاکستانی عازمین کو بہترین ممکنہ سہولیات فراہم کرنے پر اتفاق کیا گیا ہے۔حج کو آسان اور آرام دہ بنانے کے لیے 20-25 دن کا مختصر حج پروگرام متعارف کرایا گیا ہے۔ پاکستانی عازمین کو منیٰ میں خصوصی جگہ دی جائے گی اور کرایوں میں بھی کمی کی جائے گی۔
حجاج کرام کو مدینہ میں 4 سے 8 دن تک رہائش کا انتخاب کرنے کی سہولت حاصل ہوگی۔ عازمین حج کو ایک بیگ ملے گا جس میں پاکستانی پرچم اور شناخت کے لیے ایک QR کوڈ ہوگا۔سعودی وزارت حج کے مطابق عازمین حج کو تمام معلومات خصوصی موبائل ایپ پر دستیاب ہوں گی۔
تبصرے