لوئر کرم: امن معاہدے کے تحت 2 قبائلی محاذ مسمار کر دیے گئے
- 14, جنوری , 2025
نیوز ٹوڈے : لوئر کرم میں امن معاہدے کے تحت 2 قبائلی مورچے مسمار کر دیے گئے۔ضلعی انتظامیہ کے مطابق لوئر کرم میں 2 قبائلی محاذ مسمار کیے گئے، کھرکلی اور بالاش خیل میں فریقین کا ایک ایک بنکر گرایا گیا۔
ضلعی انتظامیہ کا کہنا ہے کہ بنکرز کو مسمار کرنا بھی امن معاہدے کے 14 نکات میں شامل تھا، تمام نکات پر مرحلہ وار عمل کیا جائے گا۔واضح رہے کہ اپیکس کمیٹی کے اجلاس میں کرم میں بنکرز کو ختم کرنے کا فیصلہ کیا گیا تھا اور فریقین کے درمیان ہونے والے معاہدے میں یہ شق بھی شامل تھی۔
دوسری جانب ٹل سے پاراچنار تک مرکزی شاہراہ 100 روز سے ہر قسم کی ٹریفک کے لیے بند ہے جس کے باعث اشیائے ضروریہ کی عدم دستیابی کے باعث شہریوں کو پریشانی کا سامنا ہے۔سڑکوں کی طویل بندش کے باعث پیر کو پاراچنار میں شٹر ڈاؤن ہڑتال رہی۔ ینگ ڈاکٹرز ایسوسی ایشن اور ڈرگ ڈیلرز ایسوسی ایشن نے بھی سڑکوں کی بندش کے خلاف ہڑتال کا اعلان کیا ہے۔
تبصرے