غزہ میں 50 ملین ٹن ملبہ پھیل گیا، جسے صاف کرنے میں 21 سال لگ سکتے ہیں: اقوام متحدہ
- 23, جنوری , 2025
نیوز ٹوڈے : اقوام متحدہ کا کہنا ہے کہ غزہ میں جنگ سے ہونے والی تباہی سے پھیلے ملبے کو ہٹانے میں 21 سال لگ سکتے ہیں۔غیر ملکی میڈیا کے مطابق اقوام متحدہ نے کہا ہے کہ اسرائیلی حملوں کے نتیجے میں غزہ میں تباہ ہونے والی عمارتوں اور دیگر انفراسٹرکچر کا ملبہ ہٹانے میں 21 سال اور 12 ارب ڈالر لاگت آسکتی ہے۔
دوسری جانب اسرائیلی فوج کی جانب سے غزہ میں جنگ بندی کی مسلسل خلاف ورزیاں جاری ہیں اور گزشتہ روز اسرائیلی کواڈ کاپٹر (ڈرون) نے رفح میں ملبہ صاف کرنے والے افراد پر فائرنگ کی جس کے نتیجے میں ایک فلسطینی شہید اور چار زخمی ہوگئے۔
اسرائیلی بمباری سے تباہ ہونے والی عمارتوں سے فلسطینی شہداء کی لاشیں بھی مل رہی ہیں اور اب تک 200 سے زائد لاشیں نکالی جا چکی ہیں جب کہ 10 ہزار سے زائد لاشوں کے ملبے تلے دبے ہونے کا خدشہ ہے۔
تبصرے