ٹرمپ کو پہلا دھچکا، پیدائشی حق شہریت منسوخ کرنے کا حکم عارضی طور پر معطل
- 24, جنوری , 2025
.webp)
نیوز ٹوڈے : امریکہ کے ایک وفاقی جج نے صدر ٹرمپ کے شہریت کے پیدائشی حق کو منسوخ کرنے کے حکم کو عارضی طور پر معطل کر دیا ہے۔غیر ملکی میڈیا رپورٹس کے مطابق 25 منٹ کی سماعت میں وفاقی جج نے انتظامیہ کے وکیل سے پوچھا کہ جب ٹرمپ کی ٹیم اس صدارتی حکم نامے کا مسودہ تیار کر رہی تھی تو وکلاء کہاں تھے۔
انہوں نے کہا کہ اس حکم کی قانونی حیثیت کا دعویٰ حیران کن ہے۔ چودھویں ترمیم کے تحت امریکہ میں پیدا ہونے والا تقریباً ہر بچہ خود بخود شہریت کا حقدار ہو جاتا ہے۔جج نے صدر ٹرمپ کے اقدام کو مکمل طور پر غیر آئینی قرار دیا۔ صدارتی حکم نامے کو مزید کارروائی تک 14 روز کے لیے ملتوی کر دیا گیا۔
واضح رہے کہ صدر ٹرمپ نے عہدے کا حلف اٹھانے کے بعد شہریت کا پیدائشی حق منسوخ کرنے کا حکم دیا تھا۔جس کے بعد امریکہ کی 18 ریاستوں نے ٹرمپ کے اس اقدام کے خلاف مقدمہ دائر کیا تھا۔ ایریزونا، الینوائے، اوریگون اور واشنگٹن کی ریاستوں نے یہ معاملہ عدالت کے سامنے لایا تھا۔
تبصرے