آٹھ ماہ کی تنخواہ لیں اور گھر جائیں' امریکی صدر کی وفاقی ملازمین کو بڑی پیشکش
- 30, جنوری , 2025
نیوز ٹوڈے : امریکی صدر ڈونلڈ ٹرمپ نے لاکھوں وفاقی ملازمین کو مستعفی ہونے کی صورت میں 8 ماہ کی تنخواہ کی پیشکش کی ہے۔غیر ملکی خبر رساں ادارے کے مطابق امریکی صدر ڈونلڈ ٹرمپ کی انتظامیہ کی جانب سے وفاقی حکومت کے ملازمین کو موصول ہونے والی ای میل میں انہیں ملازمت چھوڑنے کے بدلے 8 ماہ کی تنخواہ کی پیشکش کی گئی ہے۔
میڈیا رپورٹس کے مطابق ای میل میں کہا گیا کہ رضاکارانہ استعفیٰ کے بدلے 8 ماہ کی تنخواہ کی پیشکش 6 فروری تک ہے، جو ملازمین یہ پیشکش لینا چاہتے ہیں وہ اس ای میل کے جواب میں استعفیٰ لکھ کر بھیج دیں۔
امریکی میڈیا کا کہنا ہے کہ ٹرمپ انتظامیہ کا اندازہ ہے کہ 10 فیصد وفاقی ملازمین حکومت کی اس پیشکش کو قبول کر سکتے ہیں جو کہ تقریباً 200,000 ملازمین بنتے ہیں، جس سے حکومت کو تقریباً 100 ارب ڈالر کی بچت ہوگی۔
تبصرے