ترکیہ شام زلزلہ:ترکیہ میں ملبے تلے دبے 7 ماہ کے بچے کو 139 گھنٹوں بعد زندہ نکال لیا گیا
- 13, فروری , 2023
نیوزٹوڈے: زلزلے میں جہاں ہزاروں افراد اور بچوں نے اپنا گھر بار اور خاندان کھویا وہیں متعددافراد کو قدرت نے دوسری زندگی سے نوازا۔ برطانوی نشریاتی ادارے کی رپورٹ کے مطابق ریسکیو اہلکاروں نے ترکیہ کے صوبے حتائے میں زلزلے کے نتیجے میں تباہ شدہ عمارت کے ملبے سے 7 ماہ کے بچے کو زلزلہ کے تقریباً 139 گھنٹے بعد زندہ نکال لیا گیا۔ اس کے علاوہ اس زلزلے میں بارہ سالہ لڑکی کو اور قہرمان ماراش میں ملبے سے ستر سالہ خاتون کو بھی زندہ نکالا گیا۔
ملبے سے زندہ نکالنے والے افراد کو طبی امداد کے لیے اسپتال منتقل کردیا گیا۔ اس سےپہلے ایک نوزائیدہ اور اس کی ماں کو چار دن تک ملبے کے نیچے پھنسے رہنے کے بعد زندہ نکالا گیا تھا۔ بین الاقوامی خبر ایجنسی کے مطابق ترکیہ میں 29 ہزار 605 اور شام میں 4 ہزار 500 اموات ہوئی ہیں۔ یاد رہےترکیہ اور شام میں 6 فروری کو آنے والے 7.8 شدت کے زلزلے سے اموات کی تعداد 34 ہزار سے زیادہ ہوگئی ہے جبکہ ابھی بھی ریسکیو کا کام جاری ہے۔
مزید پڑھیں:
تبصرے